Монгол иргэдийг хар тамхи, хүний наймаа зэрэг онц ноцтой гэмт хэрэгт холбогдох болон ийм төрлийн гэмт хэргийн золиос болохоос урьдчилан сэргийлэх үүднээс Гадаад Харилцааны Яамны Консулын газар болон Олон нийттэй харилцах газрын хамтарсан захиалгын дагуу UBS-2 сувгаар 2012 оны 5-р сарын 13-ны Ням гарагт 17:50 цагт (Улаанбаатарын цагаар) “Харийн шоронд” цуврал баримтат киноны “Харийн шоронд-Перу” нэртэй эхний дугаарыг орчуулан нэвтрүүлнэ.

Онц бөгөөд Бүрэн эрхт Элчин сайд Б.Даваадорж Холбооны дээд шүүхийн ерөнхийлөгч, ноён К.Толксдорфтой 2012 оны 5 дугаар сарын 2-ны өдөр Карлсруэ хот дахь Холбооны дээд шүүхийн байранд очиж уулзав. Уулзалтын үеэр хоёр тал шүүх байгууллагуудын харилцаа, хамтын ажиллагааг идэвхжүүлэх боломжийн талаар санал солилцов. Талууд шүүх байгууллагуудын хамтын ажиллагаа чухал гэдэг дээр санал нийлж, цаашид дээрх асуудлуудаар хамтран ажиллахаар болов.

Монгол Улсаас ХБНГУ-д суугаа Элчин сайд Б.Даваадорж Бундестагийн Гадаад бодлогын Байнгын хорооны дарга ноён Рупрехт Поленцтай уулзаж, Монгол, Германы харилцаа, хамтын ажиллагааг хөгжүүлэх талаар ярилцав. Ялангуяа Холбооны канцлер А.Меркелийн Монгол Улсад хийсэн айлчлал, мөн Монгол Улсын Ерөнхийлөгч Ц.Элбэгдоржийн ХБНГУ-д саяхан хийсэн төрийн айлчлалын мөрөөр хийх ажлуудын талаар хоёр тал санал солилцов.
Р.Поленц нь Бундестагийн Гадаад бодлогын Байнгын хорооны даргаар олон жил ажиллаж байгаа бөгөөд тэрээр энэхүү уулзалтын үеэр Монгол Улсын гадаад харилцааны асуудлаар зарим зүйлийг сонирхон асууж, хоёр талын хамтын ажиллагааг гүнзгийрүүлэн хөгжүүлэх сайхан боломж байгааг илэрхийлэв.

Монгол Улсын Засгийн газрын санаачилгаар энэ оныг НҮБ-ын Ерөнхий ассамблейн 64 дүгээр чуулганаас “Олон улсын хоршооллын жил” болгон зарласантай холбогдуулан олон улсын хэмжээнд хоршооллын чиглэлээр олон арга хэмжээ зохион байгуулагдаж байгаа билээ.
Дээрх арга хэмжээний хүрээнд ХХААХҮ-ийн дэд сайд П.Баянмөнх аймгийн Хүнс хөдөө аж ахуй, жижиг дунд үйлдвэрийн газрын дарга нарын бүрэлдэхүүнийг тэргүүлэн 2012 оны 4 дүгээр сарын 15-22-ний өдрүүдэд ХБНГУ-ын Берлин хотноо ажиллаж байна.
Дэд сайд П.Баянмөнх 4 дүгээр сарын 18-ний өдөр 15:00 цагт Германы Хоршоодын Холбоо, Райфайссэний Холбооны дэд ерөнхийлөгч ноён Д.Лэнхоффтой албан ёсны уулзалт хийв.
Уулзалтын үеэр талууд хоёр орны ХХААХҮ-ийн салбар дахь хоршооллын ач холбогдол, бүтэцийн өөрчлөлт болон хэтийн төлөвийн талаар мэдээлэл солилцож, монгол-германы хоршооллын салбарын хамтын ажиллагааг эрчимжүүлэх  талаар дэлгэрэнгүй санал солилцохын зэрэгцээ ойрын хугацаанд хамтын ажиллагааны тодорхой арга хэлбэрийг хамтран тодорхойлохоор харилцан тохиролцов.

Монгол Улсын Засгийн газрын санаачилгаар энэ оныг НҮБ-ын Ерөнхий ассамблейн 64 дүгээр чуулганаас “Олон улсын хоршооллын жил” болгон зарласантай холбогдуулан олон улсын хэмжээнд хоршооллын чиглэлээр арга хэмжээнүүд зохион байгуулагдаж байгаа билээ.
Олон улсын хоршооллын жилийн хүрээнд Монгол Улсаас ХБНГУ-д суугаа ЭСЯ болон Монгол Улсын ХХААХҮЯ Германы Хоршоодын болон Райфайссэний холбоотой хамтран германы хоршоодын холбооны бүтэц, зохион байгуулалт, үйл ажиллагааны талаар туршлага судлах ажлыг зохион байгуулж байна.
Монгол Улсын ХХААХҮ-ийн дэд сайд тэргүүтэй аймгийн Хүнс хөдөө аж ахуй, жижиг дунд үйлдвэрийн газрын дарга нар 2012 оны 4 дүгээр сарын 15-22-ний өдрүүдэд Берлин хотноо хүрэлцэн ирж, холбогдох уулзалтуудыг хийв.
Төлөөлөгчид туршлага судлах хөтөлбөрийн хүрээнд ХБНГУ-ын хоршооллын түүх, бүтэц, үйл ажиллагаа болон хэтийн төлөвтэй танилцаж, харилцан туршлага солилцсон болно. Энэ үеэр сургалт семинар зохион байгуулагдсан ба хөдөө аж ахуйн чиглэлээр хоршин үйл ажиллагаа явуулж буй германы 2 томоохон аж ахуйн өдөр тутмын үйл ажиллагаатай танилцав.

Хөх Монгол хамтлагийн төлөөлөгчид DONA 2012 үзэсгэлэнд оролцож Монголын уламжлалт хөгжмийн урлагыг танилцуулав.

Хэвлэлийн мэдээг PDF-хэлбэрээр харах

МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖ, ГЭРГИЙ ХАЖИДСҮРЭНГИЙН БОЛОРМАА НАР ХОЛБООНЫ БҮГД НАЙРАМДАХ ГЕРМАН УЛСАД ХИЙСЭН ТӨРИЙН АЙЛЧЛАЛЫН ТУХАЙ ГЕРМАНЫ ХЭВЛЭЛ, МЭДЭЭЛЛЭЭР ГАРСАН МЭДЭЭНИЙ ТОЙМ:

Цахим хуудасны мэдээг PDF-ээр татах

Хэвлэлийн мэдээг PDF ээр татах

Mонгол Улсын Ерөнхийлөгч Цахиагийн ЭЛБЭГДОРЖ-ийн  ХБНГУ-д төрийн айлчлал хийх үеэр Германы Бундестагт хэлсэн үг

Өнөөдөр ямар сайхан өдөр вэ!

Энэ сайхан өдрийг авч ирэхийн төлөө бидэнтэй хамтран зүтгэсэн Германы ард түмэнд Монголын ард түмний чин сэтгэлийн мэндчилгээг өргөн дэвшүүлье. Энэ өдрийг би удаан хүлээсэн. Та бүхэн бол дарангуйллын ханыг нурааж болдгийг, тайван замаар эрх чөлөөгөө олж болдгийг, хөгжил дэвшлийг хамтдаа бүтээж болдгийг харуулж чадсан гайхалтай хүмүүс. Бид ч энэ замд нэгдэж чадсандаа баяртай байдаг.

Монголчууд зарим ард түмнийг хамгийн урт хана хэрэм босгоход хүргэж байсан. Монголын ард түмэн 1990 оны цагаан морин жил коммунизмын ханыг Германы ард түмний нэгэн адил эх нутагтаа нурааж чадсан. Одоо бид бусад улс орон, ард түмэнд эрх чөлөөгөө олж авах, дарлал доромжлол, хүнд суртлын ханыг нураахад нь туслах, дэмжих хүндтэй үүргийг хэрэгжүүлж байна. Монгол Улс өнөөдөр Олон улсын ардчиллын хамтын нийгэмлэгийг даргалж байгаа юм.

Монгол Улсын Ерөнхийлөгч Ц.Элбэгдоржийн ХБНГУ-д хийж буй төрийн айлчлал амжилттай үргэлжилж байна. Энэ өдрийн 12 цагт Холбооны дэд канцлер, Холбооны Эдийн Засаг, технологийн сайд ноён Филипп Рөсслер Монгол Улсын Ерөнхийлөгч Ц.Элбэгдоржид бараалхав.
Энэхүү уулзалт найрсаг уур амьсгалд болж өнгөрсөн бөгөөд уулзалтын хүрээнд талууд хоёр орны эдийн засгийн харилцааны өнөөгийн байдал, харилцаа хамтын ажиллагааны талаар дэлгэрэнгүй санал солилцов.
Монгол Улсын Ерөнхийлөгч Ц.Элбэгдорж, Холбооны сайд ноён Филипп Рөсслер нар Холбооны канцлер хатагтай А.Меркелийн Монгол Улсад хийсэн албан ёсны айлчлалын үеэр байгуулагдсан Монгол-Германы Ашигт малтмал,  аж үйлдвэр, технологийн салбарт хамтран ажиллах тухай Засгийн газар хоорондын хэлэлцээрт тусгагдсан заалтуудын хэрэгжилтийн талаар дэлгэрэнгүй санал солилцож, бодитой хамтын ажиллагааг эхлүүлэх эрмэлзэлтэй байгаагаа харилцан илэрхийлэв.
Айлчлалын үеэр тус хэлэлцээрт заасны дагуу Монгол-Германы засгийн газар хоорондын ажлын хэсэг, Монгол-Германы эдийн засгийн хороо анхдугаар хуралдаанаа амжилттай зохион байгуулсныг онцлон сайшаав.
Уулзалтын төгсгөлд Эрдэнэс Таван Толгой ХК-ийн гүйцэтгэх захирал Б.Энэбиш, Дойчэ Банкны ТУЗ-ийн гүйцэтгэх захирал Ю.Фитчен нар Эрдэнэс Таван Толгой ХК-ний хувьцааг олон улсын хөрөнгийн бирж дээр арилжаалахад /IPO/ хамтран ажиллах гэрээ”-г, Германы Сийменс компанийн эрчим хүчний асуудал эрхэлсэн захирал М.Такэтай цахилгаан станцын төслийн хүрээнд трубин нийлүүлэх гэрээнд-г тус тус байгуулав.

Монгол Улсын Ерөнхийлөгч Цахиагийн Элбэгдоржийн ХБНГУ-д анх удаа хийж байгаа төрийн айлчлалын хүрээнд 2011 оны 10 дугаар сард Холбооны канцлер А.Меркелийн айлчлалын үеэр гарын үсэг зурсан “Ашигт малтмал, аж үйлдвэр болон технологийн салбарт хамтран ажиллах тухай” Засгийн газар хоорондын хэлэлцээрийг хэрэгжүүлэх Монгол Германы Засгийн Газрын ажлын хэсгийн болон хувийн хэвшлийн аж ахуйн нэгжүүд оролцсон эдийн засгийн хорооны анхдугаар хамтарсан хуралдаануудыг ХБНГУ-ын Холбооны Эдийн Засаг Технологийн яаманд амжилттай зохион байгуулав.

Монгол Улсын Ерөнхийлөгч Ц.Элбэгдоржийн ХБНГУ-д хийх төрийн айлчлал өнөөдөр эхэллээ. Энэ айлчлалын үеэр Холбооны канцлер А.Меркелийн 2011 оны 10 дугаар сард Монгол Улсад хийсэн албан ёсны айлчлалын хүрээнд байгуулсан "Ашигт малтмал, аж үйлдвэр, технологийн салбарт хамтран ажиллах" тухай Монгол-Германы Засгийн газар хоорондын хэлэлцээрт заасан чухал заалтуудыг хэрэгжүүлэх бодитой алхмуудыг хийхээр төлөвлөж байна.
Монгол Улсын Ерөнхийлөгч айлчлалынхаа хүрээнд нүүрс шингэрүүлэх үйлдвэрийг Монгол Улсад барих, газрын ховор элементийн салбарт хамтран ажиллах, Германы орчин үеийн техник, технологийг Монгол Улсад нутагшуулах, Ази Европыг холбосон төмөр замын дамжин өнгөрүүлэх чадварыг нэмэгдүүлэх зэрэг эдийн засгийн чухал төслүүдийг хэрэгжүүлэх талаар германы талтай харилцан санал солилцоно. Уг айлчлалын явцад монгол, германы компаниуд хамтын ажиллагааны зарим баримт бичигт гарын үсэг зурахаар төлөвлөөд байна.
Энэхүү айлчлалын гол агуулга нь хоёр орны стратегийн түншлэлийг эдийн засгийн агуулгаар баяжуулахад оршиж байна.